Listastarfsemi er mikil í Hallgrímskirkju. Þar starfar Listvinafélag Hallgrímskirkju að margvíslegum málum á listasviði, stendur fyrir tónleikum, myndlistarsýningum og öðrum menningarviðburðum. Annað hvert ár er haldin Kirkjulistahátíð í kirkjunni, næst sumarið 2010.

Listasafn Hallgrímskirkju hefur starfað frá 1996 og hefur umsjón með listaverkaeign kirkjunnar ásamt því að standa fyrir myndlistarsýningum í kirkjunni í samstarfi við Listvinafélagið.

Kórar

Þrír kórar starfa í kirkjunni:

• Mótettukór Hallgrímskirkju (www.motettukor.is) var stofnaður 1982 af kantor kirkjunnar Herði Áskelssyni. Kórinn hefur getið sér gott orð hér heima og erlendis og er meðal fremstu kóra hér á landi.
• Schola cantorum er kammerkór, stofnaður 1996. Hann hefur gert garðinn frægan og nú síðast hreppti hann verðlaunasæti í alþjóðlegri keppni kirkjukóra í Frakklandi.
• Starfandi eru þrír barna- og unglingakórar við Hallgrímskirkju:
• Drengjakór Reykjavíkur www.drengjakor.is Æfingar á mánudögum og miðvikudögum kl. 17:00 -18:45 báða dagana. Karlakór Reykjavíkur er stuðningsfélagi Drengjakórsins.

Netfang: list@hallgrimskirkja.is