Hallgrímskirkja

Fimmtudaginn 15. júlí kl. 12.00 verða hádegistónleikar í sumartónleikaröðinni Alþjóðlegt orgelsumar í Hallgrímskirkju sem haldnir eru í samvinnu við Félag íslenskra organista. Sigrún Magna Þórsteinsdóttir, organisti Akureyrarkirkju, leikur á Klais-orgelið. Aðgangseyrir er 1000 kr.

Alla miðvikudaga til 25. ágúst verða hádegistónleikar Schola contorum kl. 12 í Hallgrímskirkju. Fögur íslensk lög og erlend kirkjutónlist mun hljóma undir hvelfingum kirkjunnar.

Alla miðvikudaga, allt árið um kring er morgunmessa í Hallgrímskirkju kl. 08.00. Hugvekja, bæn og altarisganga. Á eftir er léttur morgunverður í safnaðarsalnum. Allir hjartanlega velkomnir.

Alla þriðjudaga er fyrirbænaguðsþjónusta kl. 10.30 í kórkjallara Hallgrímskirkju. Beðið fyrir sjúkum. Allir hjartanlega velkomnir.

Helgina 10. og 11. júlí verða tvennir tónleikar á vegum Alþjóðlegs orgelsumars í Hallgrímskirkju. Dame Gillian Weir, breskur konsertorganisti leikur tónleikunum. Á laugardag kl. 12 leikur hún m.a. verk eftir landa sína Stanford, Howells og Parry. Tónleikarnir stand í u.þ.b. hálftíma og aðgangseyrir er 1.000kr. Á síðari tónleikunum sunnudag kl. 17, leikur hún verk eftir tónskálk á borð við Händel, Messian, Liszt og Vierna. Sunnudagstónleikarnir standa í u.þ.b. klukkustund og aðgangseyrir er 1.500kr.  Aðgangur ókeypis fyrir félaga í Listvinafélagi Hallgrímskirkju á alla viðburði Alþjóðlegs orgelsumars.

Á sunnudaginn 11. júlí, sem er sjötti sunnudagur eftir þrenningarhátíð, er messa kl. 11.00. Séra Birgir Ásgeirsson prédikar og þjónar fyrir altari ásamt rev. Leonard Ashford. Messuþjónar aðstoða. Félagar úr Mótettukór Hallgrímskirkju leiða messusönginn. Organisti er Björn Steinar Sólbergsson. Einsöng syngur Sólbjörg Björnsdóttir. Sögustund er fyrir börnin. Dame Gillian Weir leikur eftirspil messunnar. Kaffisopi á eftir messunni að venju.

Í dag fimmtudaginn 8. júlí kl. 12.00 verða hádegistónleikar í sumartónleikaröðinni Alþjóðlegt orgelsumar í Hallgrímskirkju sem haldnir eru í samvinnu við Félag íslenskra organista. Lára Bryndís Eggertsdóttir leikur á orgelið. Aðgangseyrir er kr. 1000.-.

Á morgun miðvikudaginn 7. júlí eru hádegistónleikar kl. 12 í Hallgrímskirkju. Kammerkórinn Schola cantorum flytur fagra íslenska og erlenda kirkjutónlist, m.a. tengda sálmum Hallgríms Péturssonar.

Alla miðvikudaga, allt árið um kring er morgunmessa í Hallgrímskirkju kl. 08.00. Hugvekja, bæn og altarisganga. Á eftir er léttur morgunverður í safnaðarsalnum. Allir hjartanlega velkomnir.

Á morgun, þriðjudaginn 6. júlí, er fyrirbænaguðsþjónusta kl. 10.30 í kórkjallara Hallgrímskirkju. Beðið fyrir sjúkum. Allir hjartanlega velkomnir.

Fimmtudaginn 1. júlí kl. 12.00 verða fyrstu hádegistónleikar í sumartónleikaröðinni Alþjóðlegt orgelsumar í Hallgrímskirkju sem haldnir eru í samvinnu við Félag íslenskra organista. Friðrik Vignir Stefánsson organisti Seltjarnarneskirkju og Eygló Rúnarsdóttir mezzosópran flytja þar bæði orgelverk og kirkjuleg sönglög frá ýmsum tímum. Á efnisskránni eru orgelverk eftir Händel og Lefébury-Wély, Ave Maria eftir Caccini, Ave Maria eftir Cherubini, Pie Jesu eftir Fauré og fleira. Aðgangseyrir er kr. 1000.-.

Helgina 3. og 4. júlí verða tvennir tónleikar á vegum Alþjóðlegs orgelsumars í Hallgrímskirkju. Þar mun Christian Præstholm, danskur organisti af yngri kynslóðinni og tónskáld, leika efnisskrá sem er í senn hefðbundin og framsækin. Á efnisskrá laugardagsins eru verk eftir Alain, J.S. Bach, Messiaen og hinn danska J.P.E. Hartmann, en á sunnudaginn flytur Christian sálmforleiki eftir sjálfan sig ásamt verkum eftir Dupré og J.S. Bach. Christian Præstholm stundaði meðal annars orgelnám í París hjá Susan Landale og í London hjá David Titterington. Hann starfar sem tónlistarstjóri við Sct. Mortens kirkjuna í Randers og kennir við Tónlistarháskólann í Árósum. Christian hefur áður sótt Alþjóðlega orgelsumarið heim og leikið í Hallgrímskirkju, og hann hefur einnig frumflutt verk eftir ung íslensk tónskáld. Fyrri tónleikar Christian Præstholm eru á laugardaginn kl. 12.00 og standa í u.þ.b. hálftíma. Aðgangseyrir er kr. 1000.-. Síðari tónleikar hans eru á sunnudaginn kl. 17.00 og standa í u.þ.b. klukkustund. Aðgangseyrir er kr. 1500.-.  Aðgangur ókeypis fyrir félaga í Listvinafélagi Hallgrímskirkju á alla viðburði Alþjóðlegs orgelsumars.

Á sunnudaginn 4. júlí, sem er fimmti sunnudagur eftir þrenningarhátíð, er messa kl. 11.00. Séra Birgir Ásgeirsson prédikar og þjónar fyrir altari. Messuþjónar aðstoða. Félagar úr Mótettukór Hallgrímskirkju leiða messusönginn. Organisti er Björn Steinar Sólbergsson. Fermd verður í messunni Aðalheiður Björg Hugrúnardóttir. Sögustund er fyrir börnin og kaffisopi á eftir messunni að venju.