Hallgrímskirkja

Helgin í Hallgrímskirkju hefst á tónleikum á laugardaginn 10. desember, orgeljól - orgel fyrir alla! Þetta eru orgeltónleikar fyrir alla fjölskylduna, þar sem orgelið í Hallgrímskirkju og tónlist þess verður kynnt með völdum orgelverkum. Björn Steinar Sólbergsson flytur orgelver tengd jólum og aðventu, m.a. úr Fæðingu frelsarans eftir Messiaen, sem er afmælisbarn dagsins, J.S. Bach og fleiri. Kynnir er Hörður Áskelsson. Miðaverð er 1.500 kr./Listvinir 1000 kr./ókeypis fyrir börn.

Kl. 17.00 og kl. 20.00 eru jólatónleikar Karlakórs Reykjavíkur. Stjórnandi er Friðrik S. Kristinsson, gestur kórsins er Guðrún Jóhanna Ólafsdóttir mezzósópransöngkona, orgelleikari er Lenka Mátéová, trompetleikarar eru Ásgeir H. Steingrímsson og Eiríkur Örn Pálsson og slagverksleikari er Eggert Pálsson. Á efnisskránni eru meðal annars verk César Franck, Adolphe Adam, Gustav Holst, Sigvalda Kaldalóns og Franz Gruber. Miðasala á karlakorreykjavikur.is og við innganginn.

Á sunnudaginn 11. desember, sem er þriðji sunnudagur í aðventu, er messa og barnastarf kl. 11.00. Séra Irma Sjöfn Óskarsdóttir prédikar og þjónar fyrir altari ásamt séra Birgi Ásgeirssyni. Messuþjónar aðstoða. Kvennakór Háskóla Íslands leiðir messusönginn undir stjórn Margrétar Bóasdóttur og syngur verk eftir Eleanor Daley, Gabriel Fauré og franskt jólalag í útsetningu David Willcock í messunni. Organisti er Björn Steinar Sólbergsson. Barnastarfið er í umsjá Magneu Sverrisdóttur djákna. Kaffisopi á eftir messu. Allir hjartanlega velkomnir.

Kl. 17.00 og 20.00 eru jólatónleikar Karlakórs Reykjavíkur. Sjá laugardagsauglýsingu fyrir ofan.

Í kvöld kl. 20.00 eru jólatónleikar í Hallgrímskirkju “Gleði- og friðarjól” og rennur ágóði tónleikanna til Fjölskylduhjálpar Íslands og Rauða krossins. Á tónleikunum koma fram: Femmes Fatales, barnakór Háteigsskóla, Valkyrjurnar - kvennakór Breiðholts, félagar úr Kammerkór Reykjavíkur, Vocal Project, rappararnir Ástþór Óðinn og Ká Eff Bé og Magnús Eiríksson, sem er sérstakur gestur kvöldsins. Miðasala er við innganginn og er miðaverð kr. 3000. Einnig er hægt að panta miða í síma 863 3933.

Á morgun, fimmtudaginn 8. desember, er kyrrðarstund II á aðventu kl. 12.00. Orgeltónlist og íhugun. Léttur hádegisverður í safnaðarsal kirkjunnar á eftir. Allir hjartanlega velkomnir.

Á sunnudaginn 4. desember, sem er annar sunnudagur í aðventu, er messa og barnastarf kl. 11.00. Séra Jón Dalbú Hróbjartsson prédikar og þjónar fyrir altari ásamt séra Guðlaugu Helgu Ásgeirsdóttur og messuþjónum. Karlakór Reykjavíkur syngur undir stjórn Friðriks S. Kristinssonar. Organisti er Björn Steinar Sólbergsson. Barnastarfið er í umsjá Magneu Sverrisdóttur djákna. Kaffisopi á eftir messu. Allir hjartanlega velkomnir.

Á morgun, fimmtudaginn 1. desember, er Kyrrðarstund I á aðventu í Hallgrímskirkju kl. 12.00. Aðventutónlist. Orgelleikur, íhugun og bæn. Á eftir er léttur hádegisverður í safnaðarsal kirkjunnar. Allir hjartanlega velkomnir. 

Á morgun, miðvikudaginn 30. nóvember, er morgunmessa kl. 08.00 eins og venjan er alla miðvikudaga allt árið um kring í Hallgrímskirkju. Séra Birgir Ásgeirsson þjónar fyrir altari, sr. Jakob Ágúst Hjálmarsson flytur hugvekju, Hannes Guðrúnarson fer með bæn, Sigrún V. Ásgeirsdóttir er forsöngvari og Ómar Kristjánsson aðstoðar við altarisgönguna. Á eftir messunni er léttur morgunverður í safnaðarsal kirkjunnar í umsjón Dóru Þorkelsdóttur og Kristjáns Þorgeirssonar. Allir hjartanlega velkomnir.

Fyrsti sunnudagur í aðventu er á sunnudaginn 27. nóvember. Í Hallgrímskirkju er hátíðarmessa kl. 11.00. Séra Kristján Valur Ingólfsson vígslubiskup í Skálholti prédikar og með honum þjóna séra Jón Dalbú Hróbjartsson, séra Birgir Ásgeirsson og Magnea Sverrisdóttir djákni. Messuþjónar aðstoða. Mótettukór Hallgrímskirkju syngur undir stjórn Harðar Áskelssonar. Organisti er Björn Steinar Sólbergsson. Messunni er útvarpað. Barnastarfið er í umsjá Magneu Sverrisdóttur djákna. Kaffisopi á eftir messunni. Allir hjartanlega velkomnir.

Ensk messa er kl. 14.00. Séra Bjarni Þór Bjarnason prédikar og þjónar fyrir altari. Guðrún Finnbjarnardóttir er forsöngvari og organisti er Björn Steinar Sólbergsson.

Aðventutónleikar Schola cantorum eru kl. 17.00. Fluttar verða latneskar a cappella aðventu- og jólamótettur eftir Scarlatti, Handl, Palestrina, Guerrero, Lassus, Viadana, Poulenc og Macmillan. Stjórnandi er Hörður Áskelsson. Trompetleikari Eiríkur Örn Pálsson. Aðgangseyrir er kr. 3000. Fyrir eldri borgara og námsmenn kr. 2.500 og fyrir Listvini kr. 1.500.-. Miðasala í Hallgrímskirkju alla daga frá kl. 09.00 til 17.00.

Á morgun, fimmtudaginn 24. nóvember, er kyrrðarstund í Hallgrímskirkju kl. 12.00. Orgelleikur, íhugun og bæn. Á eftir stundinni er léttur hádegisverður í safnaðarsal kirkjunnar. Allir hjartanlega velkomnir.

Á morgun, miðvikudaginn 23. nóvember, er morgunmessa eins og venjulega kl. 08.00. Séra Irma Sjöfn Óskarsdóttir þjónar fyrir altari, Valdimar Viðar flytur hugvekju, Sigrún V. Ásgeirsdóttir fer með bæn og Guðlaugur Leósson aðstoðar við altarisgöngu. Á eftir messunni er léttur morgunverður í safnaðarsal kirkjunnar í umsjá Ásu Guðjónsdóttur og Sigurðar Bjarnasonar. Allir hjartanlega velkomnir.

Á sunnudaginn 20. nóvember, sem er síðasti sunnudagur eftir þrenningarhátíð, er messa og barnastarf kl. 11.00. Séra Birgir Ásgeirsson prédikar og þjónar fyrir altari. Fermingarbörn og messuþjónar aðstoða. Drengjakór Reykjavíkur í Hallgrímskirkju leiðir messusönginn undir stjórn Friðriks S. Kristinssonar. Organisti er Hörður Áskelsson. Barnastarfið er í umsjá Magneu Sverrisdóttur djákna. Kaffisopi á eftir messu. Allir hjartanlega velkomnir.