Hallgrímskirkja

“Konur eru konum bestar” - fræðslunámskeið í kórkjallara Hallgrímskirkju verður haldið þriðjudagana 13. og 20. mars nk. kl. 19 - 22.  Leiðbeinendur eru Magnea Sverrisdóttir djákni og Irma Sjöfn Óskarsdóttir héraðsprestur.  Námskeiðið er haldið á vegum Hallgrímskirkju og Biskupsstofu.  Skráning: kristin.arnardottir@kirkjan.is - Aðgangur er ókeypis.

Á sunnudaginn 11. mars sem er þriðji sunnudagur í föstu er messa og barnastarf í Hallgrímskirkju kl. 11:00. Séra Birgir Ásgeirsson prédikar og þjónar fyrir altari.  Messuþjónar aðstoða. Kolbrún Völkudóttir les ljóð á táknmáli og messan verður einnig túlkuð á táknmáli. Félagar úr Mótettukórnum leiða messusönginn.  Organisti er Hörður Áskelsson. Barnastarfið er í umsjá Magneu Sverrisdóttur djákna. Kaffisopi eftir messu.  Allir eru hjartanlega velkomnir.

Alla fimmtudaga er kyrrðarstund í Hallgrímskirkju kl. 12:00. Orgelleikur, íhugun og bæn. Léttur hádegisverður á eftir stundinni í safnaðarsal kirkjunnar.  Allir hjartanlega velkomnir.

Boðið er upp á kvöldlestra 5 miðvikudagskvöld fram að dymbilviku - næst 7. mars kl. 20 - 21:00 í suðursal Hallgrímskirkju.  Farið verður yfir texta píslasögunnar í guðspjöllunum.  Prestar Hallgrímskirkju annast lestrana.  Allir velkomnir og aðgangur er ókeypis.  Inngangur í suðursal er Eiríksgötumegin.

Alla miðvikudagsmorgna er árdegismessa í kirkjunni kl. 08:00.  Á eftir messunni er léttur morgunverður í safnaðarsal.  Allir hjartanlega velkomnir.

Fræðslunámskeiðið “konur eru konum bestar” er vera átti í kórkjallara kirkjunnar í kvöld er frestað um viku.  Námskeiðið verður því haldið á sama stað 13. og 20. mars nk.  Allir hjartanlega velkomnir.

Boðið er upp á kvöldlestra 5 miðvikudagskvöld fram að dymbilviku næst 7. mars kl. 20 - 21 í suðursal Hallgrímskirkju.  Farið verður yfir texta píslasögunnar í guðspjöllunum. Prestar Hallgrímskirkju annast lestrana.  Allir velkomnir og aðgangur er ókeypis.  Inngangur í suðursal er Eiríksgötumegin.

“Konur eru konum bestar” - fræðslunámskeið í kórkjallara Hallgrímskirkju verður haldið þriðjudagana 6. og 13. mars nk. kl. 19 - 22.  Leiðbeinendur eru Magnea Sverrisdóttir djákni og Irma Sjöfn Óskarsdóttir héraðsprestur.  Námskeiðið er haldið á vegum Hallgrímskirkju og Biskupsstofu.  Skráning: kristin.arnardottir@kirkjan.is - Aðgangur er ókeypis.

Á sunnudaginn, sem er annar sunnudagur í föstu og Æskulýðsdagurinn, er guðsþjónusta í Hallgrímskirkju kl. 11.00. Séra Jón Dalbú Hróbjartsson þjónar ásamt Magneu Sverrisdóttur djákna og börnum og unglingum úr söfnuðinum. Flutt verður hugvekja með aðstoð trúðsins Döðlu og fermingarbarna. Drengjakór Reykjavíkur í Hallgrímskirkju leiðir messusönginn undir stjórn Friðriks S. Kristinssonar. Organisti er Björn Steinar Sólbergsson. Kaffisopi á eftir og ís fyrir börnin. Allir hjartanlega velkomnir.

Kl. 17.00 eru tónleikar: Schola cantorum og Hafliði Hallgrímsson. Schola cantorum heiðrar Hafliða Hallgrímsson með flutningi á verkum hans, en kórinn hefur á undanförnum árum unnið að upptöku á mörgum kórverkum hans af fjölbreyttri gerð og er nýr geisladiskur væntanlegur á þessu ári. Stjórnandi er Hörður Áskelsson. Aðgangseyrir 2.500 kr. / listvinir 1.500 kr. / afsláttarverð 2000 kr.

Alla fimmtudaga er kyrrðarstund í Hallgrímskirkju kl. 12:00.  Orgelleikur, íhugun og bæn.  Á eftir stundinni er léttur hádegisverður í safnaðarsal kirkjunnar.  Allir hjartanlega velkomnir.