Hallgrímskirkja

Á morgun, fimmtudaginn 17. nóvember, er kyrrðarstund í Hallgrímskirkju kl. 12.00. Orgelleikur, íhugun og bæn. Á eftir er léttur hádegisverður í safnaðarsal kirkjunnar. Allir hjartanlega velkomnir.

Á morgun, miðvikudaginn 16. nóvember, er morgunmessa eins og venjulega kl. 08.00. Séra Jón Dalbú Hróbjartsson þjónar fyrir altari, Bergþóra Baldursdóttir flytur hugvekju, Guðlaugur Leósson fer með bæn og Ása Guðjónsdóttir aðstoðar við altarisgöngu. Morgunverður er eins og venjulega á eftir messunni í safnaðarsal kirkjunnar og að þessu sinni í umsjá Birnu Gunnarsdóttur og Þorsteins Guðlaugssonar. Allir hjartanlega velkomnir.

Á laugardaginn 12. nóvember 2011 kl. 12.00 eru orgeltónleikar í Hallgrímskirkju. Þetta eru síðustu tónleikar kirkjuársins. Björn Steinar Sólbergsson organisti Hallgrímskirkju leikur verk eftir Johann Sebastian Bach og César Franck. Aðgangur er ókeypis en tekið er á móti frjálsum framlögum sem renna til Listvinafélags Hallgrímskirkju. Allir hjartanlega velkomnir.

Á sunnudaginn 13. nóvember, sem er næst síðasti sunnudagur eftir þrenningarhátíð og kristniboðsdagurinn, er fræðslumorgunn kl. 10.00 í safnaðarsal Hallgrímskirkju. Séra Jakob Ágúst Hjálmarsson flytur erindi sem hann nefnir “Hvers vegna kristniboð?”, vangaveltur og veruleiki. Á eftir erindinu er kaffisopi og spjall. Kl. 11.00 er messa og barnastarf. Margrét Hróbjartsdóttir kristniboði prédikar og séra Jón Dalbú Hróbjartsson þjónar fyrir altari ásamt messuþjónum. Félagar úr Mótettukór Hallgrímskirkju leiða messusönginn. Organisti er Hörður Áskelsson. Barnastarfið er í umsjá Magneu Sverrisdóttur djákna. Kaffisopi á eftir messunni. Allir hjartanlega velkomnir.

Alla miðvikudaga, allt árið um kring, er morgunmessa í Hallgrímskirkju kl. 08.00. Á morgun, miðvikudaginn 9. nóvember, þjónar séra Jakob Ágúst Hjálmarsson fyrir altari og flytur hugvekju, Dóra Diego Þorkelsdóttir fer með bæn, Grétar Einarsson er forsöngvari og Kristján Þorgeirsson aðstoðar við altarisgönguna. Á eftir messunni er sameiginlegur morgunverður í safnaðarsal kirkjunnar þar sem Birna Gunnarsdóttir og Þorsteinn Guðlaugsson töfra fram góðgæti með kaffinu. Allir hjartanlega velkomnir.

Á sunnudaginn, allra heilagra messu, 6. nóvember, hefst morgunninn í Hallgrímskirkju á fræðsluerindi kl. 10.00 í safnaðarsal kirkjunnar. Séra Guðlaug Helga Ásgeirsdóttir flytur erindi sem hún nefnir: “Að lofa hvern dag sem kemur”. Andlegar og trúarlegar þarfir fólks, sem þiggur líknarmeðferð. Kaffisopi og spjall á eftir. Allir hjartanlega velkomnir. Kl. 11.00 er messa og barnastarf. Séra Birgir Ásgeirsson prédikar og þjónar fyrir altari ásamt séra Jóni Dalbú Hróbjartssyni og séra Guðlaugu Helgu Ásgeirsdóttur. Messuþjónar aðstoða. Félagar úr Mótettukór Hallgrímskirkju leiða messusönginn. Organisti er Hörður Áskelsson. Inga Rós Ingólfsdóttir leikur á selló í messunni. Barnastarfið er í umsjá Magneu Sverrisdóttur djákna. Kaffisopi á eftir messunni. Allir hjartanlega velkomnir.

Tónleikar kammerkórsins Schola cantorum eru kl. 17.00. Á efnisskránni eru: Requiem, Cantique de Jean Racine, eftir Gabriel Fauré og Prélude úr Svítu op. 5 fyrir orgel, eftir Maurice Duruflé. Í Requiem eftir Gabriel Fauré syngja einsöng þau Elfa Magrét Ingvadóttir sópran og Hafsteinn Þórólfsson barítón. Björn Steinar Sólbergsson leikur á orgel og Elísabet Waage leikur á hörpu. Stjórnandi er Hörður Áskelsson. Miðaverð er kr. 3.000 fullt verð, kr. 2.500 fyrir eldri borgara og námsfólk og kr. 1.500 fyrir félaga í Listvinafélagi Hallgrímskirkju.

Á morgun, fimmtudaginn 3. nóvember, er kyrrðarstund í Hallgrímskirkju kl. 12.00. Orgelleikur, íhugun og bæn. Á eftir er léttur hádegisverður í safnaðarsal kirkjunnar. Allir hjartanlega velkomnir.

Á morgun, miðvikudaginn 2. nóvember, er morgunmessa kl. 08.00 í Hallgrímskirkju. Séra Irma Sjöfn Óskarsdóttir þjónar fyrir altari, Grétar Einarsson flytur hugvekju, Ása Guðjónsdóttir fer með bæn, Sigurður Björnsson er forsöngvari og Guðlaugur Leósson aðstoðar við útdeilingu. Á eftir messunni er léttur morgunverður í safnaðarsal kirkjunnar í umsjá Sigrúnar V. Ásgeirsdóttur. Allir hjartanlega velkomnir.

Fyrirbænaguðsþjónusta/messa er alla þriðjudaga kl. 10.30 í kórkjallara Hallgrímskirkju. Beðið fyrir sjúkum. Gengið inn að austanverðu (dyr snúa að Barónsstíg). Annan hvern þriðjudag er altarisganga. Allir hjartanlega velkomnir.

Á sunnudaginn 30. október, sem er nítjándi sunnudagur eftir þrenningarhátíð, er hátíðarmessa í Hallgrímskirkju kl. 11.00. Biskup Íslands herra Karl Sigurbjörnsson prédikar og þjónar fyrir altari ásamt prestum Hallgrímskirkju og djákna. Mótettukór Hallgrímskirkju syngur undir stjórn Harðar Áskelssonar. Organisti er Björn Steinar Sólbergsson. Flutt verða tvö kórverk í messunni. Annars vegar verk eftir Hafliða Hallgrímsson “Lofið Guð í hans helgidómi” fyrir kór, orgel og slagverk. Hins vegar kórverk eftir Önnu Þorvaldsdóttur “Heyr þú mig himnum á”. Slagverksleikari er Frank Aarnik og einnig koma fram Ásgeir Steingrímsson og Eiríkur Örn Pálsson trompetleikarar. Boðið er upp á kaffi og meðlæti eftir messuna. Allir hjartanlega velkomnir. Messunni er útvarpað.

Ensk messa er kl. 14.00. Séra Bjarni Þór Bjarnason prédikar og þjónar fyrir altari, organisti er Hörður Áskelsson og forsöngvari er Guðrún Finnbjarnardóttir. Kaffi og meðlæti eftir messu. Allir hjartanlega velkomnir.