Hallgrímskirkja

Á morgun, þriðjudaginn 6. júlí, er fyrirbænaguðsþjónusta kl. 10.30 í kórkjallara Hallgrímskirkju. Beðið fyrir sjúkum. Allir hjartanlega velkomnir.

Fimmtudaginn 1. júlí kl. 12.00 verða fyrstu hádegistónleikar í sumartónleikaröðinni Alþjóðlegt orgelsumar í Hallgrímskirkju sem haldnir eru í samvinnu við Félag íslenskra organista. Friðrik Vignir Stefánsson organisti Seltjarnarneskirkju og Eygló Rúnarsdóttir mezzosópran flytja þar bæði orgelverk og kirkjuleg sönglög frá ýmsum tímum. Á efnisskránni eru orgelverk eftir Händel og Lefébury-Wély, Ave Maria eftir Caccini, Ave Maria eftir Cherubini, Pie Jesu eftir Fauré og fleira. Aðgangseyrir er kr. 1000.-.

Helgina 3. og 4. júlí verða tvennir tónleikar á vegum Alþjóðlegs orgelsumars í Hallgrímskirkju. Þar mun Christian Præstholm, danskur organisti af yngri kynslóðinni og tónskáld, leika efnisskrá sem er í senn hefðbundin og framsækin. Á efnisskrá laugardagsins eru verk eftir Alain, J.S. Bach, Messiaen og hinn danska J.P.E. Hartmann, en á sunnudaginn flytur Christian sálmforleiki eftir sjálfan sig ásamt verkum eftir Dupré og J.S. Bach. Christian Præstholm stundaði meðal annars orgelnám í París hjá Susan Landale og í London hjá David Titterington. Hann starfar sem tónlistarstjóri við Sct. Mortens kirkjuna í Randers og kennir við Tónlistarháskólann í Árósum. Christian hefur áður sótt Alþjóðlega orgelsumarið heim og leikið í Hallgrímskirkju, og hann hefur einnig frumflutt verk eftir ung íslensk tónskáld. Fyrri tónleikar Christian Præstholm eru á laugardaginn kl. 12.00 og standa í u.þ.b. hálftíma. Aðgangseyrir er kr. 1000.-. Síðari tónleikar hans eru á sunnudaginn kl. 17.00 og standa í u.þ.b. klukkustund. Aðgangseyrir er kr. 1500.-.  Aðgangur ókeypis fyrir félaga í Listvinafélagi Hallgrímskirkju á alla viðburði Alþjóðlegs orgelsumars.

Á sunnudaginn 4. júlí, sem er fimmti sunnudagur eftir þrenningarhátíð, er messa kl. 11.00. Séra Birgir Ásgeirsson prédikar og þjónar fyrir altari. Messuþjónar aðstoða. Félagar úr Mótettukór Hallgrímskirkju leiða messusönginn. Organisti er Björn Steinar Sólbergsson. Fermd verður í messunni Aðalheiður Björg Hugrúnardóttir. Sögustund er fyrir börnin og kaffisopi á eftir messunni að venju.

Á morgun, miðvikudaginn 30. júní, er morgunmessa kl. 08.00. Séra Birgir Ásgeirsson þjónar fyrir altari, séra María Ágústsdóttir flytur hugvekju, Sigrún V. Ásgeirsdóttir fer með bæn, Sigurður Björnsson er forsöngvari og Grétar Einarsson aðstoðar við útdeilingu. Á eftir er morgunverður í safnaðarsalnum í umsjá Þorsteins R. Guðlaugssonar og Birnu Gunnarsdóttur. Allir hjartanlega velkomnir.

Alþjóðlegt orgelsumar heldur áfram og eru tvennir tónleikar núna um helgina. Þar munu Jessica Buzbee básúnuleikari frá Svíþjóð og Hörður Áskelsson organisti og kantor Hallgrímskirkju leika. Efnisskrá tónleikanna er fjölbreytt og spennandi og laugardagstónleikarnir hefjast á hinum þekkta sálmforleik Johanns Sebastians Bach “Vakna, Síons verðir kalla”. Síðan hljóma meðal annars verk úr Buxheimer orgelbókinni frá 15. öld og Morceau Symphonique eftir Guilmant. Á efnisskrá sunnudagsins bætast við verk eftir Gardner Read, Johann Sebastian Bach sem og verkið Signing eftir Huga Guðmundsson.  Laugardagstónleikarnir hefjast kl. 12.00 og er miðaverð kr. 1000.-. Sunnudagstónleikarnir hefjast kl. 17.00 og er miðaverð kr. 1.500.-. Félagar í Listvinafélagi Hallgrímskirkju fá frítt inn. Sjá einnig á heimasíðu Listvinafélagsins: listvinafelag.is.

Á sunnudaginn 27. júní, sem er fjórði sunnudagur eftir þrenningarhátíð, er messa kl. 11.00. Séra Jón Dalbú Hróbjartsson prédikar og þjónar fyrir altari. Messuþjónar aðstoða. Félagar úr Mótettukór Hallgrímskirkju leiða messusönginn. Organisti er Hörður Áskelsson. Sögustund fyrir börnin og kaffisopi að venju eftir messu. Allir innilega velkomnir.

Kl. 14.00 er ensk messa. Séra Bjarni Þór Bjarnason prédikar og þjónar fyrir altari. Organisti er Hörður Áskelsson og Guðrún Finnbjarnardóttir er forsöngvari. Kaffi og með því á eftir messu. Allir hjartanlega velkomnir.

Á morgun, miðvikudaginn 23. júní, sem er aðfangadagur Jónsmessu, er árdegismessa kl. 08.00. Séra Jón Dalbú Hróbjartsson þjónar fyrir altari, Þorsteinn R. Guðlaugsson flytur hugvekju, Birna Gunnarsdóttir fer með bæn, Grétar Einarsson er forsöngvari og Vilhjálmur Grímsson aðstoðar við útdeilingu sakramentisins. Á eftir messunni er sameiginlegur morgunverður í safnaðarsalnum í umsjá Sigrúnar V. Ásgeirsdóttur. Allir hjartanlega velkomnir.

Á miðvikudagskvöld er nessa kl. 23.00. Jónsmessa. Séra Guðlaug Helga Ásgeirsdóttir flytur hugvekju og þjónar fyrir altari ásamt séra Jóni Dalbú Hróbjartssyni og djáknunum Magneu Sverrisdóttur og Rósu Kristjánsdóttur. Mótettukór Hallgrímskirkju leiðir messusönginn, stjórnandi og organisti er Hörður Áskelsson. Messan endar á útgöngusálmi, þar sem söfnuðurinn gengur syngjandi út í sumarið og birtuna. Allir innilega velkomnir.

Alþjóðlegt orgelsumar heldur áfram með hádegistónleikum á laugardag 19. júní, kl. 12.00. Þar munu Guðrún Birgisdóttir og Hörður Áskelsson láta flautu- og orgelhljóma fylla hvelfingu Hallgrímskirkju. Þau munu leika perlur eftir meistara eins og Johann Sebastian Bach og Gabriel Fauré, sem og nýrri tónlist eftir ástsæl íslensk tónskáld eins og Þorkel Sigurbjörnsson og Áskel Másson. Miðaverð á tónleikana er 1.000 kr. og frítt er inn fyrir félaga Listvinafélags Hallgrímskirkju. Guðrún og Hörður hafa leikið saman í fjölmörg ár og um síðustu jól kom út hljómdiskurinn Minning með mörgum þeirra verka sem hér verða leikin. Tónleikar þessir eru útgáfutónleikar nýja disksins og verður hann seldur við innganginn og kostar kr. 1.500.-.

Á sunnudaginn 20. júní, sem er þriðji sunnudagur eftir þrenningarhátíð er messa kl. 11.00. Séra María Ágústsdóttir prédikar og þjónar fyrir altari. Messuþjónar aðstoða. Félagar úr Mótettukór Hallgrímskirkju leiða messusönginn. Organisti er Hörður Áskelsson. Sögustund er fyrir börnin. Kaffisopi á eftir messu að venju. Allir innilega velkomnir.

Á morgun, fimmtudaginn 17. júní, sem er þjóðhátíðardagur Íslendinga, er samkirkjuleg bænastund í Hallgrímskirkju kl. 16.00. Beðið verður fyrir landi og þjóð. Einnig verður hugvekja og tónlist. Umsjón með stundinni hefur séra María Ágústsdóttir. Allir hjartanlega velkomnir.

Alla miðvikudaga, allt árið um kring er morgunmessa í Hallgrímskirkju kl. 08.00. Á morgun, miðvikudaginn 16. júní, þjónar séra Birgir Ásgeirsson fyrir altari, Ómar Kristjánsson flytur hugvekju, Grétar Einarsson fer með bæn, Sigurður Björnsson er forsöngvari og Birna Hjaltadóttir aðstoðar við útdeilingu. Á eftir er léttur morgunverður í safnaðarsalnum í umsjá Vilhjálms Grímssonar. Allir hjartanlega velkomnir.

Á laugardaginn 12. júní eru tónleikar Alþjóðlegs orgelsumars kl. 12.00.  Björn Steinar Sólbergsson organisti Hallgrímskirkju og skólastjóri Tónskóla þjóðkirkjunnar leikur verk eftir íslensk og frönsk tónskáld.  Aðgangseyrir kr. 1000.- við innganginn. Listvinir (félagsmenn í Listvinafélagi Hallgrímskirkju) fá frítt inn á tónleikana.

Á sunnudaginn 13. júní, sem er annar sunnudagur eftir þrenningarhátíð, er messa kl. 11.00.  Séra Birgir Ásgeirsson prédikar og þjónar fyrir altari ásamt séra Leonard F. Ashford frá Bandaríkjunum. Messuþjónar aðstoða. Félagar úr Mótettukór Hallgrímskirkju leiða messusönginn. Organisti er Björn Steinar Sólbergsson. Sögustund er fyrir börnin og kaffisopi að venju á eftir messunni. Allir innilega velkomnir.

Stúlknakór Kaupmannahafnar kemur fram á tónleikum í Hallgrímskirkju á morgun þriðjudag 8. júní klukkan 20.00. Kórinn flytur fjölbreytta efnisskrá, m.a. verk eftir norræn tónskáld. Stjórnandi kórsins er Philip Schmidt-Madsen organisti, sem einnig leikur á Klais-orgel Hallgrímskirkju. Kórinn tók um helgina þátt í Kórastefnu við Mývatn, þar sem hann vakti mikla athygli fyrir góðan söng. Þetta er eina tækifærið fyrir íbúa höfuðborgarsvæðisins til að heyra þennan rómaða kór að þessu sinni.