Hallgrímskirkja

Fermingarfræðslan veturinn 2006 - 2007.

N.k. þriðjudag 15. ágúst, kl. 10:00, hefst haustnámskeiðið, sem kynnt var á kynningar- og innritunarfundinum, hinn 29. maí sl. En eins og fram kom þar og í fundarboðinu, skiptist fræðslan í vetur í eftirfarandi þætti og valmöguleika:

Lesa áfram …

Sunnudaginn 13. ágúst, sem er níundi sunnudagur eftir þrenningarhátíð, er messa kl. 11.00. Séra Birgir Ásgeirsson predikar og þjónar fyrir altari ásamt séra Maríu Ágústsdóttur. Messuþjónar aðstoða. Organisti er Björn Steinar Sólbergsson. Félagar úr Mótettukórnum leiða messusönginn. Að lokinni messu er boðið upp á kaffi í suðursalnum.

Regnbogamessa kl. 16.00 - Sr. Pat Bumgardner frá söfnuði Metropolitan Community Church í New York predikar. Fyrir altari þjónar prestur Hallgrímskirkju, sr. Birgir Ásgeirsson ásamt prestunum sr. Ásu Björk Ólafsdóttur, sr. Kristínu Þórunni Tómasdóttur, sr. Óskari Hafsteini Óskarssyni, sr. Sigfinni Þorleifssyni og sr. Sjöfn Þór. Blandaður kór syngur undir stjórn Árna Heimis Ingólfssonar. Organisti er Lára Bryndís Eggertsdóttir. Eftir messu er boðið upp á kaffiveitingar í suðursal Hallgrímskirkju.

Á hádegistónleikunum á fimmtudaginn 10. ágúst leikur Kári Þormar, organisti Áskirkju.

Lesa áfram …

Á sunnudaginn 6. ágúst, sem er áttundi sunnudagur eftir þrenningarhátíð, er messa í Hallgrímskirkju kl. 11.00. Séra Jón Dalbú Hróbjartsson prédikar og þjónar fyrir altari ásamt séra Maríu Ágústsdóttur og messuþjónum. Organisti er Lára Bryndís Eggertsdóttir. Hópur úr Mótettukór Hallgrímskirkju syngur. Einnig mun þýskur ferðahópur á vegum Liebenzeller Mission taka þátt í messunni. Á eftir messu er boðið upp á kaffisopa.

Organisti St. Michaelis kirkjunnar, sem er ein af höfuðkirkjum Hamborgar, Christoph Schoener, er gestur Alþjóðlegs orgelsumars 5. og 6. ágúst næstkomandi. Hann hóf störf sín í Michaelis kirkjunni árið 1998, en áður hafði hann verið organisti í Leverkusen og kennt m.a. við Robert-Schumann tónlistarháskólann í Düsseldorf. Á tónleikum helgarinnar leikur hann eingöngu tónlist eftir þýsk tónskáld.

Lesa áfram …

Alþjóðlegt orgelsumar heldur áfram í samvinnu við Félag íslenskra organleikara. Á hádegistónleikunum fimmtudaginn 3. ágúst leika hjónin Steingrímur Þórhallsson organisti í Neskirkju og Pamela De Sensi þverflautuleikari.

Lesa áfram …

Sunnudagurinn 30. júlí er sjöundi sunnudagur eftir þrenningarhátíð. Kl. 11.00 er messa þar sem séra Birgir Ásgeirsson prédikar og þjónar fyrir altari ásamt messuþjónum. Hópur úr mótettukór Hallgrímskirkju syngur. Organisti er Lára Bryndís Eggertsdóttir. Boðið er upp á kaffisopa eftir messu að venju.

Ensk messa er kl. 14.00 í umsjá séra Yrsu Þórðardóttur. Organisti er Gróa Hreinsdóttir. Guðrún Finnbjarnardóttir leiðir sönginn. Kaffisopi eftir messu.

Alþjóðlegt orgelsumar: kl. 20.00 eru orgeltónleikar, þar sem Bine Katrine Bryndorf, organisti í Kaupmannahöfn leikur.

Lesa áfram …

Á laugardag 29. júlí eru hádegistónleikar á vegum Alþjóðlega orgelsumarsins. Bine Katrine Bryndorf, organisti í Kaupmannahöfn, leikur.

Lesa áfram …

Hádegistónleikarnir á fimmtudögum eru í samvinnu við Félag íslenskra organleikara. Á morgun, fimmtudaginn 27. júlí kl. 12.00 leikur Sigrún Magna Þórsteinsdóttir.

Lesa áfram …

Dagskrá Alþjóðlega orgelsumarsins heldur áfram laugardaginn 22. júlí með hádegistónleikum kl. 12:00. Sophie-Véronique Chauchefer-Choplin, organisti við St. Sulpice kirkjuna í París, leikur á orgelið. Hún leikur einnig á kvöldtónleikum sunnudagskvöld kl. 20:00.

Sunnudaginn 23. júlí er messa kl. 11:00. Sr. Birgir Ásgeirsson prédikar og þjónar fyrir altari ásamt messuþjónum. Organisti verður Lára Bryndís Eggertsdóttir og hópur úr Mótettukór Hallgrímskirkju leiðir sönginn. Eftir messu verður boðið upp á kaffisopa.