Hallgrímskirkja

Á sumardaginn fyrsta þann 24. apríl nk. verður skátamessa í Hallgrímskirkju. Prestur er sr. Jón Dalbú Hróbjartsson. Skátakórinn syngur undir stjórn Ernu Blöndal.

Messa og barnastarf kl. 11. Sr. María Ágústsdóttir prédikar og þjónar fyrir altari ásamt sr. Irmu Sjöfn Óskarsdóttur og hópi messuþjóna. Organisti er Björn Steinar Sólbergsson, félagar úr Mótettukórnum leiða sönginn. Umsjón með barnastarfi hefur Magnea Sverrisdóttir djákni. Samskot dagsins renna til Hjálparstarfs kirkjunnar, en nú stendur yfir vorsöfnun til aðstoðar stríðshrjáðu fólki í Darfúrhéraði í vestur Súdan. Allir velkomnir.

Þann 17. apríl verður síðasta kyrrðarstund vetrarins kl. 12:00. Orgelleikur og íhugun. Léttur málsverður í safnaðarsal eftir stundina. Þar sem næstu tveir fimmtudagar eru almennir frídagar og viðamikil viðgerð er hafin á kirkjuturninum munum við hætta með kyrrðarstundir þar til í haust.

Alla miðvikudaga er árdegismessa kl. 8 í Hallgrímskirkju. Í messunni er stutt hugleiðing og altarisganga. Að henni lokinni er boðið upp á einfaldan morgunverð í safnaðarsal. Allir velkomnir.

Fyrirbænamessa er alla þriðjudaga kl. 10:30, beðið fyrir sjúkum.

Messa og barnastarf kl. 11:00. Sr. Jón Dalbú Hróbjartsson prédikar og þjónar fyrir altari ásamt sr. Birgi Ásgeirssyni og hópi messuþjóna. Umsjón barnastarfs Magnea Sverrisdóttir, djákni. Félagar úr Mótettukór Hallgrímskirkju syngja. Organisti Hörður Áskelsson. Aðalsafnaðarfundur Hallgrímssóknar verður í kórkjallara að lokinni messu.

“Töfrar orgelsins” - orgelsnillingurinn Hannfried Lucke prófessor við Mozartteum í Salsburg, leikur töfrandi orgeltónlist m.a. eftir Mozart og Saint Saëns ásamt því að leika af fingrum fram. Þetta er orgeltónlist fyrir alla fjölskylduna. Aðgangseyrir kr. 1500.- ókeypis fyrir börn og nemendur.

Kyrrðarstundir eru alla fimmtudaga kl. 12:00. Orgelleikur og íhugun. Léttur málsverður í suðursal eftir stundina. Allir velkomnir.

Fundur Kvenfélags Hallgrímskirkju verður haldinn laugardaginn 12. apríl kl. 15:00 í kórkjallara. Sýnd verður kvikmynd sem Karl Ryden tók í sumarferðum félagsins á árunum kringum 1950. Gestir velkomnir, sérstaklega þeir sem hafa áhuga á að sjá myndina. Stjórnin.

Alla miðvikudagsmorgna er árdegismessa í Hallgrímskirkju kl. 8. Í messunni er stutt hugleiðing og altarisganga. Að messu lokinni er boðið upp á einfaldan morgunverð í safnaðarsal. Allir eru hjartanlega velkomnir.