Hallgrímskirkja

Kyrrðarstund í hádegi fimmtudag 6. mars, kl. 12. Orgelleikur, íhugun. Léttur málsverður í safnaðarheimili eftir stundina.

Kyrrðarstundir eru í hádeginu alla fimmtudaga kl. 12:00. Orgelleikur og íhugun. Léttur málsverður í safnaðarsal eftir stundina. Allir hjartanlega velkomnir.

Á síðasta Fræðslumorgni í Hallgrímskirkju á vormisseri 2008 sunnudaginn 2. mars kl. 10 mun Árni Bergmann, rithöfundur, tala um listmálarann Baltasar Samper og kirkjulist hans, en hann hefur unnið sjö ný olíumálverk fyrir Listvinafélag Hallgrímskirkju undir yfirskriftinni: Síðustu orð Krists á krossinum.

Fjölskyldumessa kl. 11. Sr. Jón Dalbú Hróbjartsson þjónar fyrir altari ásamt Magneu Sverrisdóttur djákna og hópi messuþjóna. Unglingar flytja samtalsprédikun. Drengjakór Reykjavíkur í Hallgrímskirkju og Barnakór Austurbæjarskóla og Hallgrímskirkju syngja undir stjórn Friðriks S. Kristinssonar. Cindy Xiao Li syngur einsöng. Organisti Hörður Áskelsson.

< ?xml:namespace prefix = o ns = "urn:schemas-microsoft-com:office:office" />

Kvöldvaka kl. 20 í umsjá Magneu Sverrisdóttur, djákna og sr. Birgis Ásgeirssonar. Fjölbreytt dagskrá: Hildur og Halla Heimisdætur leika á hljóðfæri, Ice-stepp hópurinn úr Árbæjarkirkju sýnir dans, tvær stúlkur syngja, fermingarbörn flytja helgileik o.fl. Veitingar.

Laugardaginn 1. mars er orgelandakt í Hallgrímskirkju kl. 12.00. Björn Steinar Sólbergsson leikur á orgelið og séra Jón Dalbú Hróbjartsson annast ritningarlestur. Leikin verða verk eftir Johannes Brahms og Jehan Alain. Aðgangur er ókeypis og allir velkomnir. < ?xml:namespace prefix = o ns = "urn:schemas-microsoft-com:office:office" />

Kyrrðarstund í hádeginu í dag kl. 12. Orgelleikur, íhugun, bænir. Léttur málsverður í safnaðarsal eftir stundina.

Miðvikudagsmorgunn í Hallgrímskirkju hefst kl. 8:00 á árdegismessu. Sr. Birgir Ásgeirsson þjónar fyrir altari. Grétar Einarsson hefur hugvekju. Morgunkaffi í safnaðarsal að messu lokinni.

Fræðslumorgunn kl. 10:00. Dr. Sigurbjörn Einarsson talar um Biblíuna á fræðslumorgni. Rauði þráðurinn í ritstörfum dr. Sigurbjörns er Biblían, heilög ritning, og er það ávallt sérstakt tilhlökkunarefni að fá að hlýða á framsögn hans.

Messa og barnastarf kl. 11:00 Sr. Birgir Ásgeirsson, predikar og þjónar fyrir altari ásamt sr. Maríu Ágústsdóttur. Messuþjónar aðstoða. Félagar úr Mótettukórnum syngja, en organisti og söngstjóri er Hörður Áskelsson.

Á undan messunni leikur Ágúst Ingi Ágústsson fyrri hluta úr sónötu eftir Julius Reubke við Davíðssálm nr. 94. Síðari hlutar verksins verða leiknir í messunni.

Ensk messa kl. 14:00. Ensk messa í umsjá sr. Bjarna Þórs Bjarnasonar. Forsöngvari Guðrún Finnbjarnardóttir. Organisti Hörður Áskelsson.

Tónleikarnir “Sálmar og tónaljóð”, sem vera áttu kl. 17:00, frestast til 30. mars

Alla miðvikudaga, allt árið um kring, er árdegismessa í Hallgrímskirkju kl. 08.00. Á morgun, miðvikudaginn 20. febrúar, þjónar séra Jón Dalbú Hróbjartsson fyrir altari, Árni Svanur Daníelsson flytur hugvekju og Birna Gunnarsdóttir fer með bæn. Léttur morgunverður í safnaðarsalnum á eftir messunni. Allir velkomnir.

Tónlistarhópurinn Camerarctica kemur nú í annað sinn fram á vegum Listvinafélags Hallgrímskirkju, en hópurinn flutti Kvartett um endalok tímans eftir Olivier Messiaen í Hallgrímskirkju á afmælisári Listvinafélagsins 2007. Camerarctica hefur starfað frá árinu 1992 um það leyti sem hljóðfæraleikararnir komu heim frá námi við tónlistarháskóla erlendis. Félagar hópsins hafa meðal annars leikið með Sinfóníuhljómsveit Íslands, kennt hljóðfæraleik við tónlistarskólana á höfuðborgarsvæðinu og komið víða fram sem einleikarar. Camerarctica hefur sérstaklega vakið athygli og hlotið lofsamlega dóma fyrir flutning sinn á verkum Mozarts á árlegum kertaljósatónleikum í kirkjum á höfuðborgarsvæðinu og á strengjakvartettum Shostakovitch á tónleikum Kammermúsikklúbbsins í Reykjavík. Hópurinn hefur leikið á Myrkum músíkdögum, Listahátíð í Reykjavík, Norrænum músikdögum, Salisbury hátíðinni í Bretlandi og gefið út geisladisk með verkum eftir W.A. Mozart. Camerarctica var útnefndur Tónlistarhópur Reykjavíkurborgar árið 2005. Kammerhópurinn Camerarctica eru: Ármann Helgason klarinett, Hallfríður Ólafsdóttir flauta, Hildigunnur Halldórsdóttir fiðla, Ingrit Karlsdóttir fiðla, Guðrún Þórarinsdóttir víóla, Sigurgeir Agnarsson celló. Á tónleikunum Sálmar og tónaljóð syngur Marta Guðrún Halldórsdóttir sópransöngkona með hópnum.

Sálmar á atómöld eftir Elínu Gunnlaugsdóttur var samið árið 2004 fyrir Camerarctica við ljóð eftir Matthías Johannessen. Tónskáldið tónskreytir valin ljóð úr ljóðabálki Matthíasar með sópranrödd, flautu, klarinettu og strengjakvartett.

Þorkell Sigurbjörnsson hefur samið nýtt verk fyrir Camerarctica og notar hann sálmatexta föður síns, herra Sigurbjörns Einarssonar biskups, sem hefst á orðunum “þú heimsins ljós”.

Klarinettukvintett tónskáldsins og orgelleikarans Max Regers er síðasta stórvirki höfundarins, saminn veturinn 1915-1916. Það minnir um margt á klarinettukvintetta Mozarts og Brahms hvað varðar form og hljóðfæraskipan.

Fjórði fræðslumorgunn þessa misseris er á sunnudaginn 17. febrúar kl. 10.00 í safnaðarsal Hallgrímskirkju. Séra Petrína Mjöll Jóhannesdóttir, prestur í Reykjavíkurprófastsdæmi vestra, flytur fyrirlesturinn: Styrking sjálfsmyndar á heimilinu. Petrína hefur á undanförnum árum haldið fjölmörg námskeið í sjálfsstyrkingu bæði fyrir konur og einnig unglinga og skrifað efni til notkunar í kirkjustarfi. Hér mun hún sækja í þann sjóð og fjalla um aðferðir til sjálfsstyrkingar á heimilinu. Messa og barnastarf sunnudagsins, sem er annar sunnudagur í föstu, hefjast kl. 11.00. Séra Birgir Ásgeirsson prédikar og þjónar fyrir altari ásamt séra Irmu Sjöfn Óskarsdóttur og messuþjónum. Organisti er Björn Steinar Sólbergsson. Félagar úr Mótettukór Hallgrímskirkju leiða safnaðarsönginn. Barnastarfið er í umsjá Magneu Sverrisdóttur, djákna. Kaffisopi eftir messu að venju.