Hallgrímskirkja

Á sunnudaginn 30. desember, sem er sunnudagur milli jóla og nýárs, er ensk messa í Hallgrímskirkju kl. 14.00. Séra Bjarni Þór Bjarnason prédikar og þjónar fyrir altari. Organisti er Hörður Áskelsson og Guðrún Finnbjarnardóttir er forsöngvari. Messukaffi. Á Gamlársdag eru Hátíðarhljómar við áramót með Trompeteria kl. 17.00, miðaverð kr. 2000.-. Trompeteria: Hörður Áskelsson, organisti og trompetleikararnir Ásgeir H. Steingrímsson og Eiríkur Örn Pálsson. Aftansöngur á Gamlársdag kl. 18.00. Hátíðarguðsþjónusta á Nýársdag kl. 14.00.

Sunnudaginn 23. desember, sem er fjórði sunnudagur í aðventu og jafnframt Þorláksmessa, er messa og barnastarf í Hallgrímskirkju kl. 11.00. Séra Jón Dalbú Hróbjartsson prédikar og þjónar fyrir altari. Messuþjónar aðstoða. Organisti er Hörður Áskelsson. Forsöngvari er Guðmundur Vignir Karlsson. Jóla- og áramótaguðsþjónustur eru undir liðnum “Helgihald - messur”. Opnunartímar kirkjunnar eru auglýstir til hægri á forsíðunni.

Á morgun, miðvikudaginn 19. desember kl. 08.00, er síðasta árdegismessan á þessu ári. Næsta árdegismessa er þann 9. janúar 2008 kl. 08.00. Á morgun er það séra Kristján Valur Ingólfsson sem þjónar fyrir altari og um aðra messuliði sér systrafélagið í Skálholti. Kaffi og meðlæti í safnaðarsalnum á eftir. Miðvikudagssöfnuðurinn óskar öllum gleðilegra jóla, árs og friðar.

Sunnudagur 16. desember er þriðji sunnudagur í aðventu. Kl. 11.00 er barna- og fjölskylduguðsþjónusta í Hallgrímskirkju. Umsjón hafa séra Birgir Ásgeirsson, Magnea Sverrisdóttir djákni og Friðrik S. Kristinsson kórstjóri. Barnakór Austurbæjarskóla og Hallgrímskirkju ásamt Unglingakór Hallgrímskirkju sýna helgileik. Organisti er Björn Steinar Sólbergsson. Kl. 14.00 eru enskir jólasöngvar - Christmas Carols. Karlakór Reykjavíkur er með aðventutónleika í Hallgrímskirkju kl. 17.00 og 21.00 laugardaginn 15. desember og kl. 17.00 og 20.00 sunnudaginn 16. desember. Miðasala er á heimasíðu kórsins karlakorreykjavikur.is.

Á morgun, fimmtudaginn 13. desember, er kyrrðarstund í Hallgrímskirkju kl. 12.00. Aðventuhugleiðing/bæn og orgelleikur. Á eftir er léttur hádegisverður með hátíðaryfirbragði í safnaðarsalnum. Allir velkomnir.

Á morgun, miðvikudaginn 12. desember, er næst-síðasta miðvikudagsmessa fyrir þrettándann. Næsta miðvikudagsmessa er 19. desember og síðan hittumst við aftur þann 9. janúar 2008. Á morgun er það séra Ása Björk Ólafsdóttir sem þjónar fyrir altari, Sigrún V. Ásgeirsdóttir flytur hugvekju og Dóra Þorkelsdóttir les bænina. Á eftir er morgunverður í safnaðarsalnum, kaffi og jólabakkelsi, sem hver og einn sem getur hefur með sér. Allir velkomnir.

Sunnudaginn 9. desember kl. 17.00 eru tónleikar undir yfirskriftinni “Bach og jólin”. Björn Steinar Sólbergsson organisti og Schola cantorum undir stjórn Harðar Áskelssonar flytja jólatónlist eftir Johann Sebastian Bach. Miðaverð kr. 2000.-

Á sunnudaginn 9. desember, sem er annar sunnudagur í aðventu, er messa og barnastarf kl. 11.00. Séra María Ágústsdóttir prédikar og þjónar fyrir altari ásamt séra Jóni Dalbú Hróbjartssyni. Messuþjónar aðstoða. Unglingar tendra tvö ljós á aðventukransinum. Magnea Sverrisdóttir djákni hefur umsjón með barnastarfinu. Karlakór Reykjavíkur syngur undir stjórn Friðriks S. Kristinssonar, en þeir hafa nú í mörg ár sungið eina aðventumessu í kirkjunni. Organisti er Hörður Áskelsson kantor.

Laugardaginn 8. desember er söngur og orgeltónlist á jólaföstu frá kl. 12.00 til 17.00 í Hallgrímskirkju. Aðgangur er ókeypis, en tekið verður á móti framlögum til Hjálparstarfs kirkjunnar. Kaffihús verður í safnaðarsal kirkjunnar og ilmandi veitingar seldar til styrktar starfi Listvinafélags Hallgrímskirkju. Dagskráin er eftirfarandi: Sjá “áfram”.

Lesa áfram …

Kyrrðarstund er að venju kl. 12.00 á fimmtudaginn 6. desember. Orgelleikur, hugvekja/bæn. Léttur hádegisverður í safnaðarsal á eftir kyrrðarstundinni. Allir velkomnir.