Hallgrímskirkja

Alla þriðjudaga allt árið um kring er fyrirbænamessa í kapellu Hallgrímskirkju. Á morgun, þriðjudaginn 18. september, er fyrirbænamessa kl. 10.30. Bænastundin stendur yfir í hálfa klukkustund. Annan hvern þriðjudag er gengið til altaris. Allir velkomnir.

Á sunnudaginn 16. september, sem er fimmtándi sunnudagur eftir þrenningarhátíð, er messa og barnastarf kl. 11.00. Séra María Ágústsdóttir héraðsprestur prédikar og þjónar fyrir altari ásamt séra Jóni Dalbú Hróbjartssyni. Fermingarbörn aðstoða, en fermingarundirbúningurinn er hafinn og eru fermingarbörn og fjölskyldur þeirra boðin sérstaklega til þessarar messu. Hópur úr Mótettukór Hallgrímskirkju syngur og leiðir almennan safnaðarsöng. Organisti er Björn Steinar Sólbergsson. Barnastarfið er í umsjá Magneu Sverrisdóttur djákna. Eftir messu er boðið upp á kaffisopa og ávaxtasafa.

Kyrrðarstundirnar okkar eru byrjaðar aftur eftir sumarhlé. Á morgun, fimmtudaginn 13. september, er kyrrðarstund kl. 12.00 með sama sniði og venjulega: Orgelleikur og hugvekja. Boðið er upp á léttan hádegisverð á eftir. Allir velkomnir.

Á miðvikudögum kl. 08.00 allt árið um kring er morgunmessa í Hallgrímskirkju. Það er gott að byrja daginn á helgistund í friðsælli og bjartri kirkjunni. Á morgun, miðvikudaginn 12. september er það séra Ása Björk Ólafsdóttir sem þjónar fyrir altari, Þorsteinn Guðlaugsson flytur hugvekju, Birna Gunnarsdóttir fer með bæn og Sigurður Björnsson er forsöngvari. Messan stendur yfir í um það bil 40 mínútur. Á eftir söfnumst við saman í safnaðarsalnum og njótum sameiginlegs morgunverðar. Allir velkomnir.

Messa og barnastarf kl. 11.00 Sr. Jón Dalbú Hróbjartsson prédikar og þjónar fyrir altari ásamt messuþjónum. Hópur úr Mótettukór Hallgrímskirkju syngur undir stjórn Björns Steinars Sólbergssonar organista. Barnastarfið verður undir stjórn Magneu Sverrisdóttur djákna. < ?xml:namespace prefix = o ns = "urn:schemas-microsoft-com:office:office" />

Lesa áfram …

Orgelsmiðjan Johannes Klais í Bonn í Þýskalandi heldur upp á 125 ára afmæli fyrirtækisins um n.k. helgi. Hið mikla orgel Hallgrímskirkju er eitt af flaggskipum orgelsmiðjunnar og varð ásamt 14 öðrum Klais-orgelum víðs vegar um heiminn valið til þátttöku í afmælishátíðahaldinu. Fyrirtækið sendi eigendum hinna útvöldu orgela beiðni um að velja ungan orgelleikara til að leika orgeltónlist í hádegisbænastund laugardaginn 8. september. Þannig munu samdægurs 15 Klaisorgel í öllum heimshornum hljóma til að minnast afmælis hins virta fyrirtækis.

Í Hallgrímskirkju verður orgelandakt klukkan 12.00. Guðný Einarsdóttir leikur orgelverk eftir Dietrich Buxtehude og Jón Nordal, sr. Jón Dalbú Hróbjartsson prófastur flytur ritningarlestur og bæn.< ?xml:namespace prefix = o ns = "urn:schemas-microsoft-com:office:office" />

Á sunnudaginn 2. september, sem er þrettándi sunnudagur eftir þrenningarhátíð, hefst formlega vetrarstarf safnaðarins með messu kl. 11.00. Séra Birgir Ásgeirsson prédikar og þjónar fyrir altari ásamt séra Jóni Dalbú Hróbjartssyni og messuþjónum. Organisti er Hörður Áskelsson og hópur úr Mótettukór Hallgrímskirkju syngur og leiðir almennan safnaðarsöng.

Lesa áfram …

Í Hallgrímskirkju byrjum við daginn á miðvikudögum með messu kl. 08.00. Á morgun 29. ágúst mun séra Kristján Valur Ingólfsson þjóna fyrir altari, Grétar Einarsson flytur hugvekju og Hannes Guðrúnarson fer með bæn. Forsöngvari er Sigrún V. Ásgeirsdóttir. Messan stendur yfir í um það bil 40 mínútur og á eftir messunni er safnast saman til morgunverðar í safnaðarsalnum. Allir velkomnir.

Á sunnudaginn 26. ágúst, sem er tólfti sunnudagur eftir þrenningarhátíð, er messa í Hallgrímskirkju kl. 11.00. Séra Birgir Ásgeirsson prédikar og þjónar fyrir altari. Messuþjónar aðstoða. Organisti er Björn Steinar Sólbergsson. Félagar úr Mótettukór Hallgrímskirkju leiða almennan messusöng. Sögustund fyrir börnin. Að venju er boðið upp á molasopa eftir messu. Ensk messa er kl. 14.00. Séra Bjarni Þór Bjarnason prédikar og þjónar fyrir altari. Organisti er Björn Steinar Sólbergsson. Forsöngvari er Guðrún Finnbjarnardóttir. Kaffi eftir messu.

Í anddyri Hallgrímskirkju stendur yfir sýning á verki Svövu Björnsdóttur, myndlistarmanns Kirkjulistahátíðar 2007. Verkið nefnist “Jakobsstiginn” og vísar til 1. Mósebókar, 28 kafla, 12. vers, þar sem segir frá draumi Jakobs: Honum þótti stigi standa á jörðu og efri endi hans ná til himins, og sjá, englar Guðs fóru upp og niður stigann. Jakobsstigi Svövu er gerður úr stálpípum sem minna á orgelið og trappa sig upp í eilífðina úr iðrum jarðar. Speglunin í lofti og gólfi gera hann óendanlegan og ljósþrepin vísa veginn.

Lesa áfram …