Hallgrímskirkja

Á miðvikudögum kl. 08.00 alla daga ársins er messa í Hallgrímskirkju. Gott er að byrja daginn með friðsælli stund meðal góðra vina. Á morgun, miðvikudaginn 22. ágúst, þjónar séra Jón Dalbú Hróbjartsson fyrir altari, séra Kristján Valur Ingólfsson flytur hugvekju og Ágústa Þorbergsdóttir fer með bæn. Messan stendur yfir í um það bil 40 mínútur. Á eftir er léttur morgunverður í safnaðarsalnum. Allir velkomnir.

Á þriðjudögum kl. 10.30 - 11.00, alla daga ársins er fyrirbæn í kapellu Hallgrímskirkju. Annan hvorn þriðjudag er altarisganga. Allir velkomnir.

Á sunnudaginn 19. ágúst, sem er ellefti sunnudagur eftir þrenningarhátíð, er hátíðarmessa kl. 11.00. Séra Svavar A. Jónsson, prestur í Akureyrarkirkju prédikar og þjónar fyrir altari ásamt prestum Hallgrímskirkju séra Jóni Dalbú Hróbjartssyni, séra Birgi Ásgeirssyni og séra Óskari H. Óskarssyni Akureyrarkirkju. Organisti er Björn Steinar Sólbergsson. Aðrir flytjendur tónlistar eru Drengjakór Reykjavíkur undir stjórn Friðriks S. Kristinssonar, Kór Akureyrarkirkju undir stjórn Eyþórs Inga Jónssonar og Hljómskálakvintettinn. Messunni verður útvarpað á Rás 1. Um kvöldið kl. 19.00 eru lokatónleikar Kirkjulistahátíðar 2007: Ísrael í Egyptalandi HWV 54 eftir Georg Friedrich Händel, óratoría í þremur þáttum. Stjórnandi er Hörður Áskelsson.

Lesa áfram …

Á laugardaginn 18. ágúst, sem jafnframt ber heitið Menningarnótt, er samfelld dagskrá í Hallgrímskirkju frá kl. 15.00 til 21.30 undir yfirskriftinni “Sálmafoss”. Fluttir verða sálmar frá ýmsum stíltímabilum af fjölmennum hópi tónlistarfólks. Íslenskir sálmar sérstaklega samdir fyrir Kirkjulistahátíð 2007 verða frumfluttir. Nýir sálmar kenndir og fluttir. Verkstæði fyrir nýsköpun sálma. Málþing og fræðsla. Málstofustjóri er séra Kristján Valur Ingólfsson. Um kynningar sjá prestarnir Jón Dalbú Hróbjartsson, Birgir Ásgeirsson, Jón Helgi Þórarinsson og Sigurður Árni Þórðarson. Aðgangur ókeypis.

Á föstudaginn 17. ágúst er tónlistarandakt kl. 12.00 í umsjá Eyþórs Inga Jónssonar organista í Akureyrarkirkju. Leikin verður tónlist eftir Dietrich Buxtehude. Flytjendur eru Sigríður Aðalsteinsdóttir mezzósópran, Ólöf Sesselja Óskarsdóttir, viola da gamba og Eyþór Ingi Jónsson, orgel. Séra María Ágústsdóttir flytur hugvekju.

Lesa áfram …

Á fimmtudaginn 16. ágúst er tónlistarandakt kl. 12.00. Tónlistarflutningurinn er í umsjá Björns Steinars Sólbergssonar organista Hallgrímskirkju. Séra Bjarni Þór Bjarnason flytur hugvekju. Um kvöldið kl. 23.00 er miðnætursýning á Píslarsögu Jóhönnu af Örk. Þögul kvikmynd eftir Carl Theodor Dreyer. Tónlistin í myndinni er eftir Wilfried Kaets. Flytjendur tónlistar eru Wilfried Kaets orgel og Klaus Paulsen tenór.

Lesa áfram …

Miðvikudaginn 15. ágúst er tónlistarandakt kl. 12.00. Þátttakendur í meistaranámskeiði Christopher Herrick leika orgeltónlist eftir Dietrich Buxtehude. Séra Þorvaldur Karl Helgason flytur hugvekju. Um kvöldið kl. 20.00 eru orgeltónleikar undir nafninu “Orgelflugeldar” þar sem breski orgelvirtúósinn Christopher Herrick flytur glæsileg orgelverk.

Lesa áfram …

Alla miðvikudaga kl. 08.00 allt árið um kring er messa í Hallgrímskirkju. Messan stendur yfir í um það bil 40 mínútur. Á morgun 15. ágúst mun séra Birgir Ásgeirsson þjóna fyrir altari, séra Ása Björk Ólafsdóttir flytur hugvekju og Birna G. Hjaltadóttir fer með bæn. Á eftir er léttur morgunverður í safnaðarsalnum.

Þriðjudaginn 14. ágúst er fyrirbænaguðsþjónusta kl. 10.30 - 11.00 í kapellu Hallgrímskirkju. Meistaranámskeið II í samvinnu við Tónskóla þjóðkirkjunnar er frá 09.00 - 12.00 og 14.00 - 17.00. Þar mun Christopher Herrick konsertorganisti frá Bretlandi kenna á Klais-orgelið. Tónlistarandakt hefst kl. 12.00 og stendur yfir í hálfa klukkustund. Þar munu þátttakendur í Meistaranámskeiði Christopher Herrick leika sálmaforleiki eftir Dietrich Buxtehude á Klais-orgel Hallgrímskirkju. Séra Bernharður Guðmundsson flytur hugvekju. Kl. 20.00 - Guð á hvíta tjaldinu: Málþing með myndbrotum í samvinnu við rannsóknarhópinn Deus ex cinema. Listfræðingar, guðfræðingar og kvikmyndafræðingar flytja stutt erindi og leiða umræður.

Á mánudaginn 13. ágúst er tónlistarandakt kl. 12.00 í hádeginu. Félagar úr Alþjóðlegu barokksveitinni í Den Haag leika. Séra Birgir Ásgeirsson flytur hugvekju. Kl. 14.00 er Meistaranámskeið, fyrsti hluti, í samvinnu við Tónskóla þjóðkirkjunnar. Christopher Herrick konsertorganisti frá Bretlandi kennir á Klais-orgel Hallgrímskirkju.