Helgihald á gleðidögum

Dagarnir eftir páska eru nefndir gleðidagar. Að dauðinn dó og lífið lifir er gleðiefni allra. Á gleðidögum er gott að koma til helgihalds í helgidóminum. Þriðjudaginn 14. apríl, kl. 10.30 er bænastund og altarisganga í kórkjallaranum. SÁÞ. Miðvikudaginn 15. apríl er morgunmessa kl. 8. Fimmtudaginn 16. apríl er kyrrðarstund með orgelleik og íhugun kl. 12-12.30. Hörður leikur á orgelið og Sigurður Árni íhugar. Léttur hádegisverður á eftir í safnaðarsalnum. Sunnudaginn 19. apríl er messa og barnastarf í Hallgrímskirkju kl. 11.00. Allir hjartanlega velkomnir.

Lesa nánar

Á döfinni í Hallgrímskirkju í páskavikunni

 Miðvikudaginn 8. apríl er morgunmessa í Hallgrímskirkju kl. 08.00. Séra Irma Sjöfn Óskarsdóttir þjónar fyrir altari, Björn Eiríksson flytur hugvekju, Ása Guðjónsdóttir fer með bæn og Guðlaugur Leósson aðstoðar við útdeilingu. Á eftir er morgunkaffi í safnaðarsal kirkjunnar eins og venjulega. Sigrún V. Ásgeirsdóttir sér um kaffið. Allir hjartanlega velkomnir.
Prjónakvöld í Hallgrímskirkju, miðvikudaginn 8. apríl kl. 19.30 - 22.00. Gengið inn frá Eiríksgötu. Umsjón hefur Erla Elín Hansdóttir. Allir hjartanlega velkomnir.
 
Fimmtudaginn 9. apríl er kyrrðarstund í Hallgrímskirkju kl. 12.00 - 12.30. Orgelleikur og íhugun. Léttur hádegisverður á eftir í safnaðarsalnum. Allir hjartanlega velkomnir.
 
Sunnudaginn 12. apríl er fermingarmessa í Hallgrímskirkju kl. 11.00.  Allir hjartanlega velkomnir.
 
 
Lesa nánar

Skírdagur 2. apríl

Söngvahátíð barnanna- kvöldmessa- Getsemanestund og afskrýðing altaris

 

17.00. Söngvahátíð barnanna

100 barna kór ásamt jazzhljómsveit flytja nýja kirkjusöngva frá ýmsum heimshornum með sveiflu. Stjórnandi: Tómas Guðni Eggertsson, organisti Seljakirkju. Kynnar: Sigurður Árni Þórðarson og Margrét Bóasdóttir. Ókeypis aðgangur.

20. 00 Messa með altarisgöngu-síðustu kvöldmáltíðarinnar minnst

Dr. Sigurður Árni Þórðarson prédikar og sr. Irma Sjöfn Óskarsdóttir þjónar fyrir altari. Félagar úr Mótettukór Hallgrímskirkju leiða messusöng. Organisti er Björn Steinar Sólbergsson.

Að messu lokinni fer fram stutt athöfn, Getsemanestund. Lesinn verður kafli píslarsögunnar um bæn Jesú í Getsemane og að því loknu verður altarið afskrýtt á meðan er lesið úr 22. Davíðssálmi. Íhugun lægingar Krists. Pelíkanaklæði Unnar Ólafsdóttur sett fram fyrir föstudaginn langa.

Lesa nánar

Viðburðir í Hallgrímskirkju 29. mars til 6. apríl 2015

PÁSKAHÁTÍÐ HALLGRÍMSKIRKJU 29. MARS – 6. APRÍL 2015.

Pálmasunnudagur 29. mars – nýr prestur, prósessía, messa og barnastarf

10.45 Hallgrímstorg. Birkigreinum útdeilt. Fluttur verður Introitus fyrir Pálmasunnudag eftir Gunnar Andreas Kristinsson, tónskáld, fyrir kór og málmblásara og gengið í prósessíu til kirkjunnar. Allir innilega velkomnir og foreldrar hvattir til að taka börn sín með.

11.00 Messa í Hallgrímskirkju.

Nýr prestur Hallgrímskirkju sr. Irma Sjöfn Óskardóttir sett inn í embætti af sr. Birgi Ásgeirssyni. Sr. Irma Sjöfn prédikar og þjónar fyrir altari ásamt dr. Sigurði Árna Þórðarsyni, sóknarpresti. Félagar úr Mótettukór Hallgrímskirkju syngja undir stjórn Harðar Áskelssonar. Einsöngvari Þórgunnur Örnólfsdóttir, organisti Björn Steinar Sólbergsson. Barnastarf á sama tíma og messan í umsjón Ingu Harðardóttur cand. theol og verður páskaföndur með börnunum með Ingu, Helene Ingu, Rósu og Karítas. Veislukaffi eftir messu og allir velkomnir.

14.00 Ensk messa í Hallgrímskirkju. Prestur er sr. Bjarni Þór Bjarnason. Organisti Björn Steinar Sólbergsson. Kaffi og meðlæti eftir messu. Allir velkomnir.

Skírdagur 2. apríl – Söngvahátíð barnanna- kvöldmessa- Getsemanestund og afskrýðing altaris

17.00. Söngvahátíð barnanna.

100 barna kór ásamt jazzhljómsveit flytja nýja kirkjusöngva frá ýmsum heimshornum með sveiflu. Stjórnandi: Tómas Guðni Eggertsson, organisti Seljakirkju. Kynnar: Sigurður Árni Þórðarson og Margrét Bóasdóttir. Ókeypis aðgangur.

20. 00 Messa með altarisgöngu-síðustu kvöldmáltíðarinnar minnst.

Dr. Sigurður Árni Þórðarson prédikar og sr. Irma Sjöfn Óskarsdóttir þjónar fyrir altari. Félagar úr Mótettukór Hallgrímskirkju leiða messusöng. Organisti er Björn Steinar Sólbergsson. 

Að messu lokinni fer fram stutt athöfn, Getsemanestund. Lesinn verður kafli píslarsögunnar um bæn Jesú í Getsemane og að því loknu verður altarið afskrýtt á meðan er lesið úr 22. Davíðssálmi. Íhugun lægingar Krists. Pelíkanaklæði Unnar Ólafsdóttur sett fram fyrir föstudaginn langa.

Föstudagurinn langi 3. apríl- Passíusálmalestur- Passía eftir Hafliða Hallgrímsson og kvöldmessa

11.00 - 16.00 ( ath. breytta tímasetningu) Passíusálmalestur – 10 konur lesa

Í tilefni af afmælisári kosningarréttar kvenna lesa eftirtaldar konur Passíusálma Hallgríms Péturssonar: Ásta Ragnheiður Jóhannesdóttir, Brynja Þorgeirsdóttir, Dagný Kristjánsdóttir, Guðrún Agnarsdóttir, Ilmur Kristjánsdóttir, Kristín Ástgeirsdóttir, Kristín Helga Gunnarsdóttir, Sigurbjörg Þrastardóttir, Vilborg Dagbjartsdóttir og Þorgerður E. Sigurðardóttir. Umsjónarmenn eru Þórunn Sigurðardóttir og Ævar Kjartansson. Orgelleikur milli lestra. Gestir eru hvattir til að taka með sér Passíusálma. Ókeypis aðgangur.

17.00 Tónleikar

Passía eftir Hafliða Hallgrímsson. Fyrir kór, tvo einsöngvara og 35 hljóðfæraleikara. Flytjendur: Hanna Dóra Sturludóttir mezzosópran, Elmar Gilbertsson tenór, Mótettukór Hallgrímskirkju og Kammersveit Hallgrímskirkju. Stjórnandi er Hörður Áskelsson. Hið stórbrotna tónverk sem samið var að beiðni Listvinafélags Hallgrímskirkju í tilefni af Kristnitökuárinu árið 2000 hefur hlotið afburða dóma. Flutningurinn er tileinkaður minningu Guðmundar Hallgrímssonar lyfjafræðings, bróður tónskáldsins.  Aðgangseyrir: 4900 kr. Miðasala í Hallgrímskirkju og á midi.is.

20.00 Guðsþjónusta að kvöldi föstudagsins langa. (Athugið breyttan tíma).

Prestar eru sr. Irma Sjöfn Óskarsdóttir, sem prédikar og dr. Sigurður Árni Þórðarson. Organisti er Eyþór Franzson Wechner. Schola cantorum syngur.

Páskadagur 5. apríl  „Kristur er upprisinn“- árdegisguðsþjónusta – páskamessa og barnastarf 

8.00 Páskaguðsþjónusta með helgileik úr Hólabók frá 1589. Mótettukór Hallgrímskirkju og einsöngvarar úr röðum kórfélaga syngja.  Sr. Irma Sjöfn Óskarsdóttir prédikar og þjónar fyrir altari ásamt dr. Sigurði Árna Þórðarsyni. Stjórnandi er Hörður Áskelsson, organisti Björn Steinar Sólbergsson.

11.00 Hátíðarmessa og barnastarf á páskadag. Dr. Sigurður Árni Þórðarson prédikar og þjónar fyrir altari ásamt sr. Irmu Sjöfn Óskarsdóttur. Messuþjónar aðstoða. Mótettukór Hallgrímskirkju syngur hátíðlega páskatónlist undir stjórn Harðar Áskelssonar. Organisti er Björn Steinar Sólbergsson. Barnastarf í umsjón Ingu Harðardóttur cand. theol. ásamt  Sólveigu Önnu, Karítas og Rósu.

Annar í páskum 6. apríl - fermingarmessa

11.00 Hátíðarmessa og ferming. Dr. Sigurður Árni Þórðarson prédikar og þjónar fyrir altari ásamt sr. Irmu Sjöfn Óskarsdóttur og Ingu Harðardóttur cand.theol. Félagar úr Mótettukór Hallgrímskirkju syngja. Organisti er Hörður Áskelsson.

STREYMI - sýning Guðbjargar Ringsted í forkirkju Hallgrímskirkju  20. mars -18. maí 2015.

Á sýningunni eru ný málverk eftir Guðbjörgu sem eru að hluta til byggð á jurta- og blómamynstrum faldbúningsins sem Sigurður Guðmundsson teiknaði á síðari hluta nítjándu aldar.

Níels Hafstein segir m.a. um verkin: “Guðbjörg finnur blómum sínum nýstárlegan farveg, sem er magnaður upp af persónulegu innsæi og listfengi.... þau eru spegilmyndir umhverfisins, markviss innhverf tjáning. “

Ókeypis aðgangur. Opið alla daga á opnunartíma kirkjunnar.

listvinafelag.is, og hallgrimskirkja.is

Hallgrímskirkja og turninn eru opin alla daga kl. 9-17, en opið er frá 9-21 á skírdag og til annars í páskum. 

Lesa nánar

Árdegismessa

 Miðvikudaginn 25. mars 2015 er morgunmessa í Hallgrímskirkju kl. 08.00. Séra María Ágústsdóttir þjónar fyrir altari, sr. Birgir Ásgeirsson flytur hugvekju, Helga Hróbjartsdóttir fer með bæn, Sigrún V. Ásgeirsdóttir er forsöngvari og Birna Gunnarsdóttir aðstoðar við útdeilingu. Á eftir er kaffi og meðlæti í safnaðarsal kirkjunnar. Allir hjartanlega velkomnir.
Lesa nánar