Hallgrímskirkja

Á morgun, miðvikudaginn 10. mars, er föstukvöld í Hallgrímskirkju kl. 20.00. Þar fer fram lestur Passíusálms, vitnisburður leikmanns, orgelleikur, hugvekja og bæn. Umræður og kaffisopi á eftir í safnaðarsal kirkjunnar. Allir innilega velkomnir.

Á miðvikudögum allt árið um kring er morgunmessa í Hallgrímskirkju kl. 08.00. Messan er í um það bil 40 mínútur. Hugvekja, bæn, forsöngur, altarisganga. Á morgun, miðvikudaginn 10. mars, þjónar séra Jón Dalbú Hróbjartsson fyrir altari. Félagar úr miðvikudagssöfnuðinum sjá um aðra messuliði. Messurnar eru byrjaðar að nýju í kór kirkjunnar. Allir innilega velkomnir.

Þriðjudaginn 9. mars 2010 er handavinnukvöld í kórkjallara kirkjunnar kl. 19.00 - 21.00. Umsjón hefur Ása Guðjónsdóttir formaður Kvenfélags Hallgrímskirkju. Allir innilega velkomnir.

Fyrirbænaguðsþjónustur/messur á þriðjudögum verða áfram í kórkjallara Hallgrímskirkju. Á morgun, þriðjudaginn 9. mars 2010, er fyrirbænaguðsþjónusta kl. 10.30 - 11.00. Beðið fyrir sjúkum. Allir hjartanlega velkomnir.

Á sunnudaginn 7. mars, sem er þriðji sunnudagur í föstu og Æskulýðsdagurinn, er guðsþjónusta í Hallgrímskirkju kl. 11.00. Séra Birgir Ásgeirsson þjónar fyrir altari. Fermingarbörn eru messuþjónar. TTT annast hugvekju undir stjórn Magneu Sverrisdóttur, djákna og Jódísar Káradóttur. Bænasteinum dreift og þeir bornir að altari. Umsjón með því hefur Rósa Árnadóttir. Drengjakór Reykjavíkur í Hallgrímskirkju syngur undir stjórn Friðriks S. Kristinssonar. Organisti er Björn Steinar Sólbergsson. Hljóðfæraleikur: Halla Heimisdóttir, klarinett og Jarþrúður Iða Másdóttir, gítar. Kaffisopi eftir messu.

Kl. 15.00 Fyrirlestur: Hallgrímur ungi og Halldóra kirkjusmiður á Hólum. Steinunn Jóhannesdóttir flytur. Tónlistarhópurinn Spilmenn Ríkínís flytur tónlist frá ungdómsárum Hallgríms. Umræður og kaffiveitingar á eftir.

Á morgun, miðvikudaginn 3. mars 2010, er messa í Hallgrímskirkju kl. 08.00. Eftir byggingaframkvæmdir og hreinsun kirkjunnar eru messurnar aftur haldnar í kórnum up við altarið. Á morgun þjónar séra Birgir Ásgeirsson fyrir altari, Sigrún V. Ásgeirsdóttir flytur hugvekju, Vilhjálmur Grímsson fer með bæn, sr. María Ágústsdóttir er forsöngvari og Kristján Þorgeirsson aðstoðar við útdeilingu. Á eftir messunni er sameiginlegur morgunverður í safnaðarsalnum. Allir innilega velkomnir.

Kl. 20.00 - 21.00 Föstukvöld.  Lesinn Passíusálmur, hugvekja, vitnisburður leikmanns, orgelleikur. Á eftir stundinni er boðið upp á kaffi og kleinur í safnaðarsalnum.

sjá FERMING

Á sunnudaginn 28. febrúar, sem er annar sunnudagur í föstu, er hátíðarmessa og barnastarf í Hallgrímskirkju kl. 11.00. Hallgrímskirkja hefur verið lokuð síðan 5. janúar vegna hreinsunar og annarra framkvæmda og er því verki að ljúka þessa dagana. Nú er allt að færast í eðlilegt horf og horfum við í Hallgrímskirkju með tilhlökkun til sunnudagsins. Séra Jón Dalbú Hróbjartsson prédikar og þjónar fyrir altari ásamt séra Birgi Ásgeirssyni, séra Maríu Ágústsdóttur, Magneu Sverrisdóttur djákna og messuþjónum. Mótettukór Hallgrímskirkju syngur undir stjórn Harðar Áskelssonar. Organisti er Björn Steinar Sólbergsson. Barnastarfið er í umsjá Rósu Árnadóttur. Eftir messuna er opnun myndlistarsýningar Gunnars S. Magnússonar myndlistarmanns. Boðið upp á kaffisopa á eftir messu. Allir hjartanlega velkomnir.

Kl. 14.00 er ensk messa. Séra Bjarni Þór Bjarnason prédikar og þjónar fyrir altari. Organisti er Björn Steinar Sólbergsson, forsöngvari er Guðrún Finnbjarnardóttir. Kaffiveitingar eftir messu.  Allir hjartanlega velkomnir.

Munið handavinnukvöldið í kvöld kl.  19.00 - 21.00 í kórkjallara Hallgrímskirkju. - Áhugahópurinn.

Á morgun, miðvikudaginn 24. febrúar, er messa í kórkjallara Hallgrímskirkju kl. 08.00. Séra María Ágústsdóttir þjónar fyrir altari, Sigurður Björnsson flytur hugvekju, Lára Árnadóttir fer með bæn, Sigrún V. Ásgeirsdóttir er forsöngvari og Grétar Einarsson aðstoðar við útdeilingu. Á eftir messunni er sameiginlegur morgunverður og kaffi í umsjá Sigurðar Bjarnasonar og Ásu Guðjónsdóttur. Allir velkomnir.