Fermingar í Hallgrímskirkju

Fermingarfræðsla 2024 – 2025

Í haust hefst fermingarfræðsla í Hallgrímskirkju, ætluð börnum í 8. bekk sem eru að velta því fyrir sér, eða hafa ákveðið að fermast.

Veturinn fyrir fermingu er spennandi tími í lífi unglinganna og fjölskyldna þeirra. Á mikilvægum mótunartíma býður kirkjan til samtals um trú, lífsskoðanir og hamingju. Fermingarfræðslan er opin öllum ungmennum í áttunda bekk grunnskóla.

Skráning er rafræn og hægt að nálgast skráningarsíðu að baki þessari smellu

Kynningarfundur verður að lokinni messu í Hallgrímskirkju, sunnudaginn 15. september 2024 kl. 12.15.

Í fræðslunni er lögð áhersla á fjölbreytilega og skemmtilega kristnifræðslu með samtölum, leik, og upplifun. Lögð er áhersla á vináttu, virðingu og víðsýni í fræðslunni. Ungmenninn taka þátt í nokkrum fjölskylduguðsþjónustum. Farin er ævintýraferð í Vatnaskóg. Kennt verður um grundvallaratriði kristinnar trúar og íslenskan menningararf.

Fermingardagur í Hallgrímskirkju 2025
Fyrirhugaður fermingardagur vorið 2025 er Sunnudaginn 27. apríl kl. 11:00.

Nánari upplýsingar veita prestar Hallgrímskirkju.


Verð fyrir fræðsluna er 40.000 kr. og er innifalið í gjaldinu kennsla, fæði, námsgögn og ferð í Vatnaskóg.

Fermingarungmenni velja sér minnisvers fyrir fermingarathöfn. Þau mega velja sér það biblíuvers sem er þeim hugstæðast.
Til að auðvelda þeim valið er hægt að nota lista minnisversa og að baki þessari smellu er einn slíkur listi.