Hádegistónleikar / Matinée - Hymnasýn

HYMNASÝN
Á efnisskrá Hymnasýn eru sálmar úr íslensku sálmabókinni. Við munum freista þess að skapa einstaka og persónulega sýn á þennan mikilvæga tónlistararf okkar Íslendinga, fanga fegurð þeirra og dýpt sem felst ekki hvað síst í einfaldleika þeirra og einlægni.
Í gegn um aldirnar hafa sálmar endurspegla lífshlaup Íslendinga í gleði og sorg og eru sungnir og spilaðir við sérhver tímamót, allt frá vöggu til grafar. Sálmarnir eru í senn lofgjörð og fögnuður yfir fegurð lífsins og miskunnsemi Guðs, huggun í harmi og dauða, hvatning í dagsins önn, ákall til skaparans og notaleg samverustund í Hallgrímskirkju.

Ástvaldur Zenki hefur verið áberandi í íslensku tónlistarlífi í meira en 40 ár. Hann hefur starfað með mörgum af fremstu tónlistarmönnum á Íslandi og tekið þátt í ótal verkefnum og tónleikum bæði hér heima og á erlendri grundu. Ástvaldur Zenki hefur látið að sér kveða á ólíkum sviðum tónlistarinnar, þar með talið: djass, popp, tangó, klezmer og kirkjutónlist.
Ástvaldur Zenki hefur haft mikinn áhuga á sálmum og hafa þeir verið honum innblástur í sinn tónlist. Á geisladisknum Hymnasýn er leitað fanga í hinum mikla og fallega tónlistararfi sem er að finna í íslensku sálmabókinni.
Ástvaldur Zenki er einnig ábóti og kennari Zen búddista á Íslandi og hefur stundað Zen hugleiðslu undir handleiðslu bandaríska Zenmeistarns Jakusho Kwong -roshi síðan 1997. Ástvaldur Zenki hefur auk þess fengið þjálfun í Japan árið 2016 og 2019 og í kjölfarið hlaut hann vígslu í tveimur höfuðklaustrum Sótó Zen búddismans í Japan: Sojiji og Eiheiji.
Ástvaldur Zenki er skráður og viðurkenndur prestur og kennari í hinni japönsku Sótó Zen hefð. Hans djúpa köllun á sviði andlegrar vakningar hefur haft mikil áhrif á tónlistarsköpun hans og gefur honum einstaka sýn og næmni í sinni tónlistarsköpun.

Ástvaldur starfar einnig sem organisti og kórstjóri á Bessastöðum og hefur verið leiðandi í mótun tónlistarstefnu Bessastaðrsóknar um árabil.
Ástvaldur Zenki hefur gefið út 2 geisladiska: Hymnasýn og Hljóð sem hafa vakið athygli og hlotið lof gagnrýnanda. Lagið Heima af geisladisknum Hljóð, var tilnefnt til Íslensku Tónlistarverðlaunanna sem besta tónverkið á sviði jazztónlistar.
Ástvaldur Zenki leikur jöfnum höndum á: píanó, harmóniku og kirkju orgel og á sinn einstaka hátt býður hann áheyrendum í ævintýralegt ferðalag um lendur tónlistarinnar þar sem allt getur gerst.

Þorgrímur Jónsson útskrifaðist sem bassaleikari frá FÍH '01, tók 1 ár í klassískum kontrabassaleik í TSDK, útskrifaðist með BM gráðu frá Konunglega Tónlistarháskólanum í Haag, Hollandi '06.
Frá ´06 því hef ég starfað við tónlistarkennslu m.a. við Tónlistarskóla Garðabæjar, TSDK, FÍH, MÍT og við tónlistardeild LHÍ.
Hefur verið starfandi tónlistarmaður í um 25 ár á ýmsum sviðum rytmískrar tónlistar, verið mjög virkur á þessum tíma og tekið þátt í fjölbreytilegum verkefnum. Starfað með flestu af fremsta tónlistarfólki landsins, leikið inná ríflega 30 hljómdiska og hafa margir hverjir verið tilnefndir til ÍTV og allnokkrir hlotið verðlaunin. Ber þó hæst að mín fyrri sólóplata, Constant Movement, hlaut tvenn verðlaun á ÍTV ’16 í flokki Jazz og blús sem plata ársins og ég sem tónhöfundur ársins. Ág. ‘21 kom svo út mín önnur sólóplata, Hagi, sem fékk mikið lof heima og erlendis fyrir framúrskarandi tónsmíðar, hljóðfæraleik og ferksan blæ. Var hún tilnefnd til 4 verðlauna á ÍTV.
Síðustu 15 ár eða svo hef ég starfað mikið með Tríó Sunnu Gunnlaugs. Auk þess verið virkur meðlimur í, hvort heldur með tónsmíðum eða útsetningum má nefna Tríóið Jónsson & More og Balkansveitin Skuggamyndir frá Býsans.
Ég hef komið víða fram á erlendri grundu þar sem leikin hefur verið tónlist eftir mig. T.a.m. farið tónleikaferðir til USA, Kanada og Evrópu. Leikið á jazzhátíðum í Tékklandi, Noregi, Danmörku, London, Serbíu, Moskvu, Finnlandi, Færeyjum, N-Makedóníu, Grikklandi og komið fram í Kennedy Center í Washington.

HALLGRÍMSKIRKJA – ÞINN TÓNLEIKASTAÐUR!