Fréttir: Maí 2016

Aðalfundur Kvenfélagsins verður haldinn fimmtudaginn 26. maí kl. 20 í suðursal kirkjunnar. Venjuleg aðalfundarstörf. Verið velkomin.

Foreldramorgnar eru í kórkjallara alla miðvikudagsmorgna kl. 10.00 – 12.00. Dagskrá: Opið hús. Inga Harðardóttir æskulýðsfulltrúi og Helga Vilborg Sigurjónsdóttir taka vel á móti ykkur.

Varla er til betri leið til þess að byrja daginn. Á miðvikudaginn kl. 8 er árdegismessa þar sem dr. Sigurður Árni Þórðarson og messuþjónar þjóna í sameiningu. Ljúf stund sem inniheldur söng, hugleiðingu og bænastund. Eftir messuna er morgunmatur og kaffi. Verið hjartanlega velkomin.

  Starf eldri borgara í kórkjallaranum á þriðjudögum kl. 11.00 – 13.00. Leikfimi, súpa og spjall á boðstólunum. Á morgun er söngstund á dagskránni. Verið hjartanlega velkomin.

Á morgun, þriðjudaginn 24. maí mun dr. Sigurður Árni Þórðarson leiða fyrirbænamessuna í kórkjallaranum kl. 10.30 – 11.00. Í messunni er beðið saman í góðu samfélagi. Allir velkomir.

Sr. Kristján Valur Ingólfsson vígslubiskup prédikar og þjónar fyrir altari ásamt sr. Irmu Sjöfn Óskarsdóttur. Messuþjónar aðstoða. Félagar úr Mótettukór Hallgrímskirkju syngja. Organisti er Björn Steinar Sólbergsson. Umsjón með barnastarfinu hefur Inga Harðardóttir. Gleðilega þrenningarhátíð.

Sr. Irma Sjöfn Óskarsdóttir flytur íhugun dagsins og Hörður Áskelsson leikur á orgelið á síðustu kyrrðarstund vorsins sem hefst kl. 12. Stundirnar taka svo aftur upp þráðinn í haust. Eftir stundina verður hægt að kaupa súpu og brauð á vægu verði í suðursalnum. Verið hjartanlega velkomin.

Vegna upptöku á nýjum geisladiski hjá Mótettukór Hallgrímskirkju verður lokað kl. 17 þessa viku frá þriðjudeginum 17. maí til laugardagsins 21. maí. Sumar opnunartíminn heldur svo áfram frá og með sunnudeginum 22. maí og þá er opið frá kl. 9 - 21. Óskum kórnum velgengis í upptökunum og hlökkum til að heyra í nýjum geisladiski. Takk fyrir.

Foreldramorgnar eru í kórkjallara alla miðvikudagsmorgna kl. 10.00 – 12.00. Dagskrá: Opið hús. Inga Harðardóttir æskulýðsfulltrúi og Íris Saara Henttinen Karlsdóttir taka vel á móti ykkur.