Skráningar í fermingarfræðslu í Hallgrímskirkju standa yfir
Veturinn fyrir fermingu er spennandi tími í lífi unglinganna og fjölskyldna þeirra. Á mikilvægum mótunartíma býður kirkjan til samtals um trú, lífsskoðanir og hamingju. Fermingarfræðslan er opin öllum ungmennum í áttunda bekk grunnskóla. Í fræðslunni er lögð áhersla á fjölbreytilega og skemmtilega kristnifræðslu með samtölum, leik, og upplifun. Lögð er áhersla á vináttu, virðingu og víðsýni í fræðslunni. Ungmenninn taka þátt í nokkrum fjölskylduguðsþjónustum. Kennt verður um grundvallaratriði kristinnar trúar og íslenskan menningararf.
Farin er ævintýraferð í Vatnaskóg 9.-11. sept. Ferðin í Vatnaskóg er fyrir öll fermingarbörn.
Hallgríms- og Neskirkja verða með sameiginlega fermingarfræðslu. Fræðslan verður á nokkrum laugardögum í vetur og yfir veturinn eru svo reglulegir viðburðir með börnum og foreldrum.
Verð fyrir fræðsluna er kr. 35.000,- og er þar innifalið: Kennsla, fæði, námsgögn og ferð í Vatnaskóg 9. – 11. september.
Fermingardagur í Hallgrímskirkju 2023
Sunnudaginn 16. apríl kl. 11:00.
Nánari upplýsingar veita djákni og prestar Hallgrímskirkju.
- Kristný Rós Gústafsdóttir 865-3557 kristny@hallgrimskirkja.is
- Irma Sjöfn Óskarsdóttir 771-8200 irma@hallgrimskirkja.is
- Sigurður Árni Þórðarson 862-2312 s@hallgrimskirkja.is